მექსიკაში მომხდარი მიწისძვრის შედეგად დაღუპულთა და დაშავებულთა შორის საქართველოს მოქალაქეები არ არიან

საზოგადოება - 10:24, 20 Sep, 2017

2712

მექსიკის შეერთებულ შტატებში საქართველოს საელჩოს მრჩეველი "ნიუპოსტთან" ამბობს, რომ მექსიკაში მომხდარი მიწისძვრის შედეგად დაღუპულთა და დაშავებულთა შორის საქართველოს მოქალაქეები არ არიან.

ნიკოლოზ სახვაძის ინფორმაციით, საქართველოს რამდენიმე მოქალაქე უბედურ შემთხვევას გადაურჩა, ვინაიდან იმ შენობებიდან გამოსვლა მოასწრო, რომლებიც მოგვიანებით ჩამოინგრა.

"მუდმივ კონტაქტზე ვართ მექსიკის საგარეო საქმეთა სამინისტროსთან და მათგანაც გვაქვს დადასტურებული პასუხი, რომ დაღუპულთა და დაშავებულთა შორის საქართველოს მოქალაქეები არ ირიცხებიან“, - განაცხადა საელჩოს მრჩეველმა.

მექსიკაში დამანგრეველი მიწისძვრის შედეგად გარდაცვლილთა რიცხვი 248-მდე გაიზარდა.

როგორც გარდიანი იტყობინება, 55 ადამიანი მორელოსში გარდაიცვალა, 59 ქალაქ მეხიკოში, 32 კი პუებლას შტატში.

გარდაცვლილთა შორის 21 სკოლის მოსწავლეა, რომლებიც სკოლის შენობის ჩამონგრევისას ნანგრევებში მოყვნენ.

ნანგრევებში დაკარგულებს ამ დრომდე ეძებენ მაშველები.

აღსანიშნაია, რომ ეს ყველაზე ძლიერი მიწისძვირაა მეხიკოში 1985 წლის შემდეგ. მაშინ მიწისძვრას ათასობით ადამიანი ემსხვერპლა.

7.1 მაგნიტუდის სიძლიერის მიწისქვეშა ბიძგებს, ქვეყნის ცენტრალურ რეგიონებში ძლიერი ნგრევა მოჰყვა. მიწისძვრის ეპიცენტრი მეხიკოს მახლობლად მდებარე, შტატ პუებლაში იყო. მოგვიანებით , მექსიკაში 11 მიწისქვეშა ბიძგი დაფიქსირდა, რომელთაგან ყველაზე მძლავრი 4 მაგნიტუდის იყო.