მუხთარლის მეუღლე იმ პირთა ვიდეო და ფოტო მასალას გაასაჯაროებს, ვინც უთვალთვალებდა

საზოგადოება - 09:34, 19 Sep, 2017

1547

აფგან მუხთარლის მეუღლე დღეს იმ პირების ფოტო და ვიდეო კადრებს გაასაჯაროებს, ვინც მისი თქმით, უთვალთვალებდა.

ლეილა მუსტაფაევას განცხადებით, მასალები პროკურატურას 7 აგვისტოს წარუდგინა, თუმცა განხორციელდა თუ არა მოთვალთვალეებისიდენტიფიცირებისთვის რაიმე სახის ღონისძიებები, ამ დრომდე უცნობია.

„პროკურატურას ამ დრომდე არ გამოუქვეყნებია რაიმე სახის ინფორმაცია გამოძიების შესახებ. არ ვიცი მოხდა თუ არა იმ პირების იდენტიფიცირება, რომლებიც გვითვალთვალებდნენ. ამიტომ, გადავწყვიტეთ ჩვენს მიერ მოპოვებული ფოტო და ვიდეო მასალა სოციალური მედიის საშუალებით გავავრცელოთ. ამ დრომდე ძალოვანი სტრუქტურების ქმედებებს ველოდებოდით, თუმცა, მათ არაფერი გააკეთეს. ამიტომ, მე ისევ აქტიურ ქმედებებზე გადავალ. კიდევ ერთხელ მივმართავ ევროკავშირს და ვაცნობებ, რომ საქართველოში ამ საქმის გამოძიება არ მოხდა. ვთვლი, რომ ეს გადაწყვეტილება ხელისუფლების მაღალი რანგის წარმომადგენლებმა მიიღეს. “ქართულმა ოცნებამ“ გადაწყვიტა, რომ ეს გამოძიება არ ჩატარდება. ვფიქრობ, ისინი აზერბაიჯანულ მთავრობას გაურიგდნენ. ამ დრომდე ველოდები პასუხებს პროკურატურისგან, შინაგან საქმეთა მინისტროსა და საქართველოს პრემიერმინისტრისგან კითხვაზე, თუ რა მოუვიდა ჩემს მეუღლეს,” - განაცხადა ლეილა მუსტაფაევამ.