ბრიტანელმა მუსიკოსმა, ელტონ ჯონმა საქართველოში დაგეგმილი კონცერტების გადადებასთან დაკავშირებით კომენტარი გაკეთა.

ამის შესახებ Marshall Arts-ი იტყობინება:

„ძალიან ვწუხვარ, რომ საქართველოში დაგეგმილი კონცერტები გადაიდო. დეივის დაკვრა არ შეუძლია, მაგრამ ის მალე დაბრუნდება. ჩვენ კონცერტებს მომავალ წელს გავმართავთ, მოუთმენლად ველოდებით საქართველოში ჩასვლას და კონცერტის გამართვას. ჩვენ ყველანი ერთად ძალიან მალე შეგხვდებით - განაცხადა ელტონ ჯონმა.

შეგახსენებთ, ელტონ ჯონის კონცერტები "ბლექ სი არენაზე" 16-17 სექტემბერს უნდა გამართულიყო, თუმცა კონცერტები 2018 წლამდე გადაიდო. კოცნერტები 30 ივნისსსა და 1 ივლისს გაიმართება.

2018 წლის კონცერტებზე წელს ნაყიდი ბილეთებით შეიძლება დასწრება. ხოლო ვისაც, ამის სურვილი არ ექნება, ბილეთების დაბრუნება უახლოეს მომავალში დაიწყება.
კონცერტების გადადება ელტონ ჯონის ჯგუფის ერთ-ერთი წევრის, მუსიკალური დირექტორისა და გიტარისტის, დევიდ ჯონსტონის ჯანმრთელობის მდგომარეობამ გამოიწვია.