სარფის საბაჟოს კვეთისას მოქალაქეებს კვლავ პრობლემები ექმნებათ

საზოგადოება - 10:41, 14 Sep, 2017

1861

სარფის საბაჟოს კვეთისას, თურქეთის მხარეს მოქალაქეებს კვლავ პრობლემები ექმნებათ. მათი თქმით, ბოლო 10 დღეა ნეიტრალური ზონიდან განმარტებების გარეშე უკან აბრუნებენ და თურქი მებაჟეები რამდენიმე დღიან შეზღუდვებს უწესებენ.

მათივე თქმით, ისინი თურქეთში სამუშაოდ ყოველდღიურად გადადიან, ნაწილს კი გასაყიდად პროდუქცია გადააქვს.

„აგდებენ პასპორტებიდან ჩიპებს და ყრიან, მიზეზს არ გეუბენება“- ამბბობე ერთ-ერთი მოქალაქე.

თურქეთის ელჩი "სარფის" საბაჟოზე შეფერხებას აქტიურ სეზონს და მოქალაქეების რაოდენობის ზრდას უკავშირებს.

”ახლა აქტიური სეზონია და დიდია იმ ადამიანების რაოდენობა, რომლებიც საზღვარს კვეთენ. 30 ათასამდე ადამიანი გადადის საზღვარზე ყოველდღიურად, ამიტომ, სამწუხაროდ, გამტარუნარიანობა ყოველთვის შესაბამისი არ არის. გარდა ამისა, ახლა თურქეთის მხარეს სარემონტო სამუშაოები გვაქვს, რომელთა დასრულებასაც წლის ბოლომდე ვგეგმავთ. ამ კონკრეტულ მომენტში თურქულ მხარეს გამტარუნარიანობის პრობლემა აქვს. ახლა ორივე მხარე ვთანამშრომლობთ, რომ დავძლიოთ პრობლემები,” - განუცხადა თურქეთის რესპუბლიკის ელჩმა საქართველოში ”რუსთავი 2”-თან საუბრისას.

ფინანსთა სამინისტროში, თურქეთის რესპუბლიკის საბაჟო გამშვებ პუნქტში „სარფი“ უკანასკნელი 1 კვირის განმავლობაში შექმნილი პრობლემებისა და შეფერხებების გამო, რამაც თურქეთის ტერიტორიაზე საბაჟო გამშვები პუნქტის მიმდებარედ დიდი რაოდენობით სატრანსპორტო საშუალებებისა და მგზავრების რიგის ფორმირება გამოიწვია, ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი თურქეთის რესპუბლიკის საგანგებო და სრულუფლებიან ელჩს საქართველოში, ლევენთ გიუმრუქჩუს შეხვდა. შეხვედრა ქართული მხარის ინიციატივით გაიმართა.