რა გახდა ბათუმში ორი მუშის დაღუპვის მიზეზი - სამშენებლო კომპანია გამოძიებასთან თანამშრომლობას აპირებს

საზოგადოება - 12:12, 09 Sep, 2017

1909

ბათუმში მომხდარ უბედურ შემთხვევასთან დაკავშირებით, რა დროსაც მშენებლობაზე 2 მუშა დაიღუპა, კომენტარი სამშენებლო კომპანიის წარმომადგენელმა გააკეთა. რაულ კახიძის თქმით სამშენებლო კომპანია მჭიდროდ თანამშრომლობს გამოძიებასთან , რათა შემთხვევის გამომწვევი მიზეზები დადგინდეს. როგორც კახაძე განმარტავს ამწეები გამართული იყო და არსებობს მისი ექსპლუატაციაში ყოფნის შესაბამისობის დამადასტურებელი დოკუმენტაცია. კახაძის მტკიცებით ობიექტზე უსაფრთხოების ნორმები დაცულია. მისი თქმით მუშები დაზღვეულნი იყვნენ და პოლისით გათვალისწინებული თანხის პარალელურად, ოჯახები კომპანიისგან დამატებით კომპენსაციას მიიღებენ.

“პირველ რიგში, მწუხარებას გამოვთქვამთ ტრაგიკულად დაღუპული ახალგაზრდების გამო და ვიზიარებთ მათი ოჯახის დიდ ტრაგედიას. ხაზგასმით აღვნიშნავთ, რომ კომპანია „მეტროს“ კომლექსისმშენებლობაზე შრომის უსაფრთხოების კუთხით ყველა საჭირო პროცედურა, რაც კომპანიის პოლიტიკიდან გამომდინარე არის დადგენილი, სრულად იყო დაცული. კომპანიის ყველა თანამშრომელი იყო დაზღვეული, შესაბამისად მიიღებენ კომპენსაციას. მომხდარზე დაწყებულია გამოძიება და დაველოდებით გამოძიების შედეგებს და ვითანამშრომლებთ გამოძიებასთან.“- განაცხადა რაულ კახაძემ.

უბედური შემთხვევა გუშინ კაჩინსკების ქუჩაზე მოხდა, როგორც თვითმხილველები აცხადებენ მშენებლობზე ბეტონი ამწეს სპეციალური ავზით გადაჰქონდათ, ახალგაზრდები დანადგარზე ისხდნენ, რა დროსაც ბაგირი გაწყდა, მუშები მე-8 სართულის სიმაღლიდან გადმოვარდნენ და ადგილზევე დაიღუპნენ.