უამინდობა საქართველოში - სინოპტიკოსები დღეიდან გამოდარებას ვარაუდობენ. მათი თქმით, ქარი ჩადგება და მთელი ქვეყნის მასშტაბით ჰაერის ტემპერატურა მოიმატებს. ჰაერი დასავლეთ საქართველოში 29 გრადუსამდე, აღმოსავლეთ საქართველოში კი 30 გრადუსამდე გათბება.

„დღეს უკვე მთელს საქართველოში გამოიდარებს, ქარი მოსალოდნელი არ არის და ჰაერის ტემპერატურა კვლავ მოიმატებს. წუხელ გავრცელდა ცივი ჰაერის მასები და დღეს უკვე ჰაერის ტემპერატურა დასავლეთ საქართველოში 24-დან 29 გრადუსია მოსალოდნელი, სანაპირო რაიონებში 22-დან 24 და აღმოსავლეთ საქართველოში და მათ შორის თბილისშიც, 25-დან 30 გრადუსამდე,“ - განაცხადა გარემოს ეროვნული სააგენტოს მთავარმა სინოპტიკოსმა, დოდო გვაზავამ.