რა მდგომარეობაა მთაწმინდის ფერდობზე ხანძრის შემდეგ

რა მდგომარეობაა მთაწმინდის ფერდობზე ხანძრის შემდეგ - დავით გელაშვილის კომენტარი

საზოგადოება - 17:21, 01 Sep, 2017

1944

საგანგებო სიტუაციების თბილისის სამმართველოს უფროსის მოადგილის დავით გელაშვილის თქმით, მთაწმინდის ფერდობზე ხანძარსაწინააღმდეგო ოპერაციაში ჩართუკუ იყო 10 ერთეული სახანძრო-სამაშველო ტექნიკა და 50 მეხანძრე-მაშველი:

„ამ ეტაპზე ხანძარი ლოკალიზებულია, ხანძრის შემდგომი გავრცელების საშიშროება არ არსებობს, ამ მიზნით ჩაერთო სასაზღვრო პოლიციის ვერტმფრენი , რომელიც წარმატებით ახორციელებს დარჩენილი ხანძრის კერების სალიკვიდაციო სამუშაოებს. ხანძარზე მობილიზებული იყო 10 ერთეული სახანძრო-სამაშველო ტექნიკა და 50 მეხანძრე-მაშველი. სალიკვიდაციო სამუშაოები განხორციელდა 2 მიმართულებით, ერთი მთაწმინდის პარკის ზედა მხრიდან და მეორე ქვედა მხრიდან, რათა მოხსნილიყო მოსახლეობაზე ხანძრის გადასვლის საფრთხე. ამ დროისთვის ყველა საფრთხე მოხსნილია და მიმდინარეობს ხალკეული კერების დაქრობითი სამუშაოები. ხანძრის ფართობებს და მიზეზებს მოგვიანებით, დაზუსტების შემდეგ მოგახსენებთ, იწვოდა ძირითადად ბუჩქნარი და ბალახი, ნაწილობრივ წიწვოვანი ტყე.“- განაცხადა დავით გელაშვილმა.

დავით გელაშვილის თქმით ადგილი მიუდგომელია, ამიტომ ხანძრის მიზეზებში ტურისტების ფაქტორი გამოსარიცხია. მისი განცხადებით რელიეფი რთულია ამიტომ ხანძრის სრულ ლიკვიდაციას დაახლოებით 2 საათი დასჭირდება.