40 000 დოლარის თაღლითურად მითვისების მცდელობა - მერიის ყოფილ მაღალჩინოსანთან ერთად კიდევ ერთი პირია დაკავებული

კრიმინალი - 18:10, 31 Aug, 2017

4565

როგორც ირკვევა მერიის ყოფილ მაღალჩინოსანთან, ლევან ძაგნიძესთან ერთად პოლიციამ კიდევ ერთი პირი დააკავა. მეორე დაკავებულსაც მერიის არქიტექტურის სამსახურთან შემხებლობა ჰქონდა.

რაც შეეხება უშუალოდ ძაგნიძეს, ამ დროსთვის არსებული ინფორმაციით საუბარია 40 000 ამერიკული დოლარის თაღლითურად დაუფლების მცდელობაზე.
დაკავებულის ყოფილი უფროსი დიმიტრი მოსულიშვილი აცხადებს რომ მისი თანამშრომლის დაკავების შესახებ ინფორმაციას არ ფლობს.
მოსულიშვილი ამბობს, რომ საგამოძიებო ორგანოდან მასთან არავის დაურეკავს და არ დაუკითხავთ.
მერიის არქიტექტურის სამსახურის ყოფილი უფროსი აცხადებს, რომ ლევან ძაგნიძემ, თანამდებობა პირადი განცხადების საფუძველზე დატოვა.
დაკავებულის ადვოკატი კახა კვაშილავა კი აღნიშნავს, რომ გამოძიება მისი დაცვის ქვეშ მყოფს თაღლითობას ედავება.
"ბრალის შემადგენლობა რას მოიცავს არ ვიცი, რადგან დოკუმენტაციას არ გავცნობილვარ. ბრალი წარედგინა სისხლის სამართლის კოდექსის 180-ე მუხლის მეორე და მესამე ნაწილით, ეს არის თაღლითობა"- აცხადებს ადვოკატი და განმარტავს რომ ძაგნიძე წარდგენილ ბრალდებას არ ეთანხმება და ბრალს არ აღიარებს.
კვაშილავას თქმით, ბრალდებულის დაკავება მისი მერიაში მაღალ თანამდებობაზე მუშაობას არ უკავშირდებოდა.
ადვოკატმა აღნიშნა, რომ ამ ეტაპზე ვერ ისუაბრებს რას უკავშირებს დაკავებული მის დაკავებას.