როგორც ცნობილია, ყოფილმა სიძემ სიდედრი, სიდედრის მეზობელი და და 5 თვის ბავშვი დაჭრა.
როგორც დაშავებული, ნინო შეყილაძე ჰყვება, ის ყოფილმა სიძემ სანადირო თოფით დაჭრა:
"ჩემ შვილი, 28 წლით უმცროსი იყო მის ქმარზე. 8 წელი ცხოვრობდნენ ერთად. სმი შვილი ჰყავთ. მათ შორის ხშირად იყო გაუგებრობა, 8 თვის წინ გააშორდა ჩემი შვილი. სულ გვემუქრებოდა, გვლანძღავდა, შერიგებას ითხოვდა. გუშინ საღამოს კი, შემოგვივარდა სახლში, აქ ჩემი მეზობელი იჯდა, მზია ჯიბლაძე. დიტომ სანადირო თოფიდან გაისროლა. სამივენი დავშავდით"-გვიყვება ქალბატონი.
დაშავებულები ოზურგეთის სამედიცინო ცენტრში გადაიყვანეს, სადაც მათ პირველადი სამედიცინო მომსახურება ჩაუტარდათ.
კოსტავების ოჯახის ყოფილი სიძე 52 წლის დიტო დონაძეა. ის ოზურგეთის მუნიციპალიტეტის სოფელ სლიხაურში ცხოვრობს.
დონაძე მომხდარის შემდეგ პოლიციას თავად ჩაბარდა.
როგორც „ნიუპოსტს“ შინაგან საქმეთა სამინისტროს პრესსამსახურში განუცხადეს, საქმეზე გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
მასალის გამოყენების პირობები