ახალციხის მუნიციპალიტეტის სოფელ სვირში ხანძრის ჩაქრობის პროცესში 07:00 საათიდან ავიაცია ჩაერთვება.

შინაგან სამეთა მინისტრის ინფორმაციით, ცეცხლი ამ დროისთვის ნახევარ ჰექტრამდე ტერიტორიაზეა გავრცელებული.

გიორგი მღებრიშვილის გადაწყვეტილებით, რთული რელიეფის გამო კი, მეხანძრე-მაშველები დღეს ღამით სამუშაოებს წყვეტენ.

„ღამე ცოცხალი ძალის იქ ყოფნა საკმაოდ სარისკოა, არის ძალიან კლდოვანი ადგილი, ციცაბო ფერდობი. კონსულტაციების შემდგომ მივიღე გადაწყვეილება, რომ ადგილზე არ დავტოვოთ ცოცხალი ძალა. ჯობია, რომ გამოვიყვანოთ. ჩვენთვის ადამიანის სიცოცხლე ბევრად უფრო მნიშვნელოვანია, ვიდრე ჰექტრობით დამწვარი ტყე",- განაცხადა გიორგი მღებრიშვილმა.