ბორჯომის ტყეში, ხანძრის სალიკვიდაციო სამუშაოები დილით ადრიანად განახლდა. ამ დროისათვის ორი ვერტმფრენი მუშაობს, ხანძრის ჩაქრობას როგორც საქართველოს, ასევე აზერბაიჯანის ვერტმფრენები ცდილობენ.

ზურაბ ალავიძის ინფომრაციით, დღის განმავლობაში ქრობით სამუშაოებში კიდევ ერთი ქართული, ერთი თურქული და ერთიც აზერბაიჯანული ვერტმფრენი ჩაერთვება.

„ამ წუთში მუშაობს ორი ვერტმფრენი, ორი ვერტმფრენი თურქეთიდან არის გზაში და შუადღეზე ჩამოვლენ. 9:00 საათზე თბილისიდან მესამე ვერტმფრენიც აფრინდება ჩვენი მონაცემებით.

"ორი გავრცელების კერა გვაქვს, ერთი წაღვერის მიმართულებით და მეორე ქვემოთ ბორჯომის მიმართულებით. ტექნიკა მუშაობს, სახანძრო მანქანები ასულები არიან, გზა გავიყვანეთ, ცოცხალი ძალა ადგილზეა. მიმდინარეობს ხეების ჩაჭრა იქ სადაც საჭიროა, რომ ხანძარი არ გავრცელდეს,“-განაცხადა ზურაბ ალავიძემ.