„საქართვეოს რკინიგზის“ თანამშრომელთა ნაწილი მეექვსე დღეა შიმშსილობს, ისინი დღეიდან ფართომასშტაბიან აქციას იწყებენ. მოშიმშილეები აცხადებენ, იმ შემთხვევაში თუ ადმინისტრაცია მათ მოთხოვნებს არ დააკმაყოფილებს, რკინიგზის თანამშრომლები სხვადასხვა ქალაქებიდან შეუერთდებიან.

„დღეს უკვე 11 ადამიანი შიმშილობს. ეს აქცია გაიზრდება დღითიდღე. მოთხოვნები იგივეა, სამსახურში დაუყოვნებლივ იქნენ დაბრუნებულნი ეს ადამიანები. ამ დესტრუქციისა და პროვოკაციის გამო, გათავისუფლებულ იქნას სამსახურიდან ინფრასტრუქტურის დირექტორი ვასილ ყორავა და ერთ-ერთი მისი ორგანიზატორი, საინფორმაციო სამსახურის უფროსი, ბატონი დაჩი ცაგურია,“-განაცხადა რკინიგზელთა ახალი პროფკავშირების პრეზიდენტმა ვიტალი გიორგაძემ.

აქციის დაწყებას რკინიგზელები დღეს საღამოს 18:00 საათზე გეგმავენ.