მემინგენი - ქუთაისის ავიარეისი, რომელიც წუხელ უნდა შესრულებულიყო, გაუქმდა. ქუთაისის საერთაშორისო აეროპორტის ინფორმაციით, რეისის გაუქმება ამინდის გაუარესებამ გამოიწვია.

ამასთან, ქუთაისი - მემინგენის რეისი, რომელიც გუშინ ქუთაისიდან გაფრინდა 19:17 საათზე, მემინგენში არსებული ძლიერი ელჭექის გამო მიუნხენში დაფრინდა.

მგზავრების განცხადებით, wizz air-მა ისინი უყურადღებოდ მიატოვა.

გაუქმებული რეისის მგზავრთა საყურადღებოდ ქუთაისის საერთაშორისო აეროპორტი ინფორმაციას ავრცელებს.

"მემინგენიდან მომავალ მგზავრებს, ავიაკომპანია ალტერნატიულ მარშრუტებს შესთავაზებს. იმ შემთხვევაში თუ ვერ ახერხებთ wizz air-ის საინფორმაციო ცენტრთან დაკავშირებას და თავად ავიაკომპანია ამ დრომდე არ დაგკავშირებიათ, ინფორმაციისათვის შეგიძლიათ დარეკოთ შემდეგ ნომრებზე:

069120066954 (გერმანული ნომრიდან)

+4969120066954

+44330977044

აქვე მიიღებთ ინფორმაციას ხარჯების ანაზღაურების შესახებ."- აცხადებენ ქუთაისის აეროპორტში.