მოვაჭრეები ისნის ბაზრობის დამწვარ ტერიტორიაზე შეუშვეს - რა შედეგით დასრულდა ბაზრობის ადმინისტრაციასთან შეხვედრა

საზოგადოება - 16:50, 19 Aug, 2017

1974

ხანძრით შედეგად დაზარალებული მოვაჭრეების ბაზრობის ადინისტრაციასთან შეხვედრა სიტყვიერი დაოპირისპირებისა და ხმაურის ფონზე მიმდინარეობდა. ე.წ „დაშლილების ბაზრობის“ დაზარალებულმა მოვაჭრეებმა ადმინისტაციას საკუთარი მოთხოვნები გააცნეს

დაზარალებულები პასუხისმგებლობას ადმინისტრაციას აკისრებენ და ზარალის ანაზღაურებას ითხოვენ. მათი თქმით ბაზრობის უსაფრთხოებაზე ადმინისტრაციას უნდა ეზრუნა, რადგან ისინი გადასახადებს სწორედ მათ უხდიდნენ.ადმინისტრაციის მხარის უფლებადამცველი კი აცხადებს, რომ მაღაზიების მეპატრონეებს თავიანთი ობიექტები თავად უნდა დაეზღვიათ. მოვაჭრეებს კონკრეტულ დაპირებას ვერც ბაზრობის ადმინისტრაცია და ვერ გამგებელი აძლევს.

ცოტა ხნის წინ ისნის ბაზრობაზე მომხდარი ხანძრის შედეგად დაზარალებული მოვაჭრეები დამწვარ ტერიტორიაზე შეუშვეს. ისინი პატრულის თანხლებით გაადაადგილდებიან.

ისანში ხანძარი გამთენიისას გაჩნდა და მის ჩაქრობაში 20-ზე მეტი სახანძრო-სამაშველო ჯგუფი და 100-ზე მეტი მეხანძრე-მაშველი რამდენიმე საათის განმავლობაში ცდილობდა. წინასწარი მონაცემებით დამწვარია 38-მდე სავაჭრო ობიექტი.