მკვლელობა ჭონქაძის ქუჩაზე - სამართალდამცავებმა მკვლელობაში ბრალდებული მიხეილ იაშვილი დააკავეს, რომელიც ამ დროისათვის წინასწარი დაკავების იზოლატორშია გადაყვანილი.

დაკავებულის ადვოკატის განცხადებით, იაშვილი დანაშაულს არ აღიარებს და პროტესტის ნიშნად შიმშილობის დაწყებას აპირებს, ასევე იგი უარს აცხადებს საქართველოს მოქალაქეობაზე.

მკვლელობის მოტივის შესახებ დეტალები უცნობია, ერთ-ერთი ვერსიით იგი ე.წ. სამარშუტო ტაქსების ბიზნესს უკავშირდება. გუშინ, 16 აგვისტოს მთაწმინდაზე, ჭონქაძის ქუცაზე 47 წლის კახა ძნელაძე მოკლეს. თავდამსხმელი მოტოციკლით გადაადგილდებოდა და ჩაფხუტი ეფარა. შემთხვევა ერთ-ერთ პარქთან მოხდა და არსსებობს რამდენიმე თვითმხილველი, ასევე ფვიდეო კამერები, რომლებმაც სავარაუდოდ მკვლელობა გადაირეს.

ამოღებულია დანაშაულის იარაღი. ექსპერტ-კრიმინალისტებმა დღეს შემთხვევის ადგილზე მუშაობა დაასრულეს.

გამოძიება საქართველოს სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და იარაღის უკანონო ტარებას გულისხმობს.