ჭონქაძეზე მომხდარი მკვლელობის დეტალები - გუშინ 47 წლის კახა ძნელაძე თბილისში, ცეცხლსასროლი იარაღით მოკლეს. „ნიუპოსტის“ ინფორმაციით სამართალდამცავებმა ერთი პირი დააკავეს, თუმცა შს სამინისტროში აღნიშნულ ინფორმაციას არ ადასტურებენ და დეტალებზე არ საუბრობენ.

მკვლელობის ადგილზე ექსპერტ-კრიმინალისტებმა მუშაობა დაასრულეს. ერთ-ერთი ვერსიით მათ ამოიღეს მკვლელობის იარაღი, თუმცა, ეს ინფორმაციავ შს სამინისტროში არ დასტურდება.

დაუდასტურებელი ინფორმაციით, დაკავებულია 35 წლამდე მამაკაცი,რ ომელიც ამავე უბანში, მთაწმინდაზე ცხოვრობს. ერთ-ერთი ვერსიით მოკლული და მკვლელი ერთმანეთს წლების განმავლობაში იცნობდნენ. არსებობს ინფორმაცია, რომ დაპირისპირება ე.წ. სამაერშუტო ტაქსების ბიზნესთან დაკავშსირებით მოხდა.

მოკლულის ოჯახის წევრები და ახლობლები აცხადებდნენ, რომ მათ აქვთ ინფორმაცია იმის შესახებ, რომ სამართალდამცავებს ერთი პირი ჰყავთ დაკავებული.

„ჩემი შვილი მკურნალობდა, მორწმუნე იყო და მამაოს ეხმარებოდა, ისეთი კონფლიქტი არ ჰქონია, რომ მოეკლათ. მე არაფერი ვიცი, ვიცი, რომ ვიღაც ჰყავთ დაკავებული, წუხელ ჩამოვედი“, - აცხადებს გარდაცვლილის მამა.