იბრაჰიმოვიჩი Manchester United-ში ბრუნდება- ტრავმის მიუხედავად ის UEFA-ს Top 10-ში მაინც მოხვდა

სპორტი - 17:14, 16 Aug, 2017

3160

სერიოზული დაზიანების მიუხედავად, რომელმაც მისი მინდორზე გასვლა წლის ბოლომდე შეაფერხა, ზლატან იბრაჰიმოვიჩი შემოთავაზებებს არ უჩივის. ხოსე მაურინიოს სურს რომ შვედმა თავდამსხმელმა Old Trafford-ზე კიდევ ერთი სეზონი გაატაროს. როგორც ჩანს იბრაჰიმოვიჩმაც მიიღო საკუთარი მომავლის შესახებ გადაწყვეტილება, Sun-ის ინფორმაციით იბრაჰიმოვიჩი United’s Carrington-ის საწრთვნელ ბაზაზე უახლოეს საათებში დაბრუნდება, ახალ კონტრაქტს კი უახლოეს მომავალში გააფორმებს. რა ვადიანი იქნება კონტრაქტი და რამდენი ექნება ფეხბურთელს ანაზღაურება, The Sun არ აკონკრეტებს.

როგორც უცხოური მედია წერს, შვედი ლეგენდა ტრამვის შემდეგ ფორმაში ჩასადგომად ისეთი მონდომებით ვარჯიშობს, რომ ექიმებს მისი გაფრთხილება უწევთ, რათა რეაბილიტაცია და ძალების აღდგენა დააბალანსოს და თავი ძალიან არ დაიტვირთოს.
მსოფლიოს ერთ-ერთმა საუკეთესო ფორვარდმა ტრავმა 20 აპრილს მანჩესტერი უნაიტედი-ანდერლეხტის შეხვედრის დროს მიიღო, როცა საჰაერო დუელის შემდეგ ფეხი მინდორზე ცუდად დადგა.
იმის მიუხედავად რომ ზლატან იბრაჰიმოვიჩი უკვე რამდენიმე თვეა მინდორზე არ გასულა, ის მაინც მოხვდა UEFA-ს 2017 წლის საუკეთესო ფეხბურთელების ათეულში. იბრაჰიმოვიჩი ამ სიაში პრემიერ ლიგის ერთადერთი მოთამაშეა.