რკინიგზის გაფიცულ თანამშრომლებს „საქართველოს რკინიგზა“ პასუხობს. საზოგადოებასთან ურთიერთობის ხელმძღვანელი, დაჩი ცაგურია აცხადებს, რომ აქციას პოლიტიკური ელფერი აქვს და წინა ხელისუფლების წარმომადგენლები თანამშრომლებს იყენებენ:

„ეს ჯგუფი ადამიანების, წლებია, მას შემდეგ, რაც სააკაშვილი აღარ არის ხელისუფლებაში, ცდილობს მუდმივად მოაწყოს პროვოკაციები. იმის დროს, ცხადია, სიამის კატასავით ფეხებს უთმობდა სააკაშვილს და მის გუნდს. მაშინ არასდროს არ გახსენებია მშრომელთა უფლებები და დღეს გულადი გახდა. ეს ადამიანები არიან შეცდომაში შეყვანილი პეტრიაშვილის ჯგუფის მიერ, რომლებიც მუდმივად სიცრუეს ავრცელებენ,“ - განაცხადა დაჩი ცაგურიამ.

რკინიგზის თანამშრომლებმა გაფიცვა იმ მიზეზით დაიწყეს, რომ მათი სამუშაო ადგილი მარნეულში გადაიტანეს და სამსახური მათ სამგზავრო ხარჯებს არ უნაზღაურებს.