,,გიორგის თავში სიმსივნე ჰქონდა...“ - რას ჰყვებიან ბათუმში გარდაცვლილი ახლაგაზრდების მეგობერები

კრიმინალი - 17:17, 08 Aug, 2017

27565

ბათუმში გარდაცვლილი ახალგაზრდების მეგობარს ამ წუთებში პოლიციაში კითხავენ. როგორც გიგა გელხვიძემ "ნიუპოსტს" განუცხადა, მან მომხდარის დეტალები არ იცის, თუმცა არ გამორიცხავს, რომ ერთ-ერთს „ვიღაცასთან კონფლიქტი ჰქონოდა“.

გელხვაძე ამბობს, რომ ორივე მეგობარი ოთხი დღის წინ ბათუმში ნახა.

„საღამოს კაფეში ვიმყოფებოდით. დაგეგმილი გვქონდა შეხვედრა, თუმცა ფიზიკურად ვერ მოვახერხე. მეგობრებმა მითხრეს, რომ გიორგის შეიძლება ვიღაცასთან კონფლიქტი ჰქონოდა, თუმცა ვისთან, ვერ გეტყვით" - განაცხადა გიგა გელხვიიძემ ჟურალისტებთან.

"ნიუპოსტი" გარდაცვლილი გიორგი.ხ-ს კიდევ ერთ მეგობარს ინგა სიორიძეს ესაუბრა. გარდაცვლილის მეგობარი ყვება, რომ მომღერალს ჯანმრთელობის პრობლემა ჰქონდა.

"როგორც ვიცი თავში სიმსივნე ჰქონდა, მაგრამ როგორც ამბობდა დაამარცხა. გაოგნებული ვარ, მე ორივე მათგანთან ვმეგობრობდი. მკვლელობის ვერსია თქვენგან გავიგე. მეგონა მოიწამლნენ... იმედია გამოძიება დაადგენს სიმართლეს"- ამბობს გარდაცვლილის მეგობარი.

ბათუმში, ხიმშიაშვილის ქუჩაზე, ერთ-ერთ საცხოვრებელ ბინაში ორი ახალგაზრდა ბიჭის ცხედარი რამდენიმე საათის წინ იპოვეს.

დაუდასტურებელი ინფორმაციით ერთ-ერთს ყელი აქვს გამოჭრილი და ძალადობის კვალი აღენიშნება. გიორგი.ხ მომღერალი იყო და საზოგადოებას სხვადასხვა შოუებიდან ახსოვს. ხოლო მასთან ერთად გარდაცვლილი ახალგაზრდა მოდელი გახლდათ.

მომხდარის შესახებ ადგილზე მეზობლები ორ ვერსიას ავითარებენ. პირველის მიხედვით ახალგაზრდები კლუბური ნარკოტიკის მიღების შედეგად გარდაიცვალნენ.

მეორე ვერსიით კი ისინი აწამეს. ძალადობის ფაქტს ამ ეტაპზე შს სამინისტროში არ ადასტურებენ, თუმცა თვითმხილველები ამბობენ, რომ პროზექტურაში გადასვენენისას ლეიბი თითქმის მთლიანად სისხლით იყო დასვრილი.