,,რუსთავი 2" ახალი მეგაშოუებისთვის ემზადება - არხი ახალ სეზონს განახლებული პროექტებით იწყებს

საზოგადოება - 13:17, 08 Aug, 2017

13841

ცნობილია, რომ რუსთავი 2-ის სატელევიო პროექტების ყოფილმა ხელმძღვანელმა დემნა ჯაფარიძემ და გიორგი ხაბურზანიამ იმედზე გადაინაცვლეს და ახალი სეზონიდან მეგა შოუ ,,ნიჭიერს" ტვ. იმედზე ვიხილავთ.

ტელეკომპანია რუსთავი 2-ზე მეგა შოუების პროდიუსერი დავით იმედაშვილი გახდა.

იმედაშვილმა „ნიუპოსტთან“ საუბრისას განაცხადა, რომ ახალი სეზონიდან ტელეკომპანიას რამდენიმე საერთაშორისო შოუებთან აქვთ მოლაპარაკებები და უკვე აქტიური სამუშაოებიც მიმდიონარეობს.

„ფორმატებს ვალაგებთ უკვე, სანამ მე მივიდოდი, უკვე რაღაც პროექტები მიტაცებული იყო. ჯერჯერობით მხოლოდ იმის თქმა შემიძლია, რომ საერთაშორისო მეგა შოუებს ვიხილავთ ახალი სეზონიდან, მაგრამ ვერ დაგიკონკრეტებთ, რომელ პროექტებზეა საუბარი და მხოლოდ იმის გეტყვით, რომ არამარტო მოლაპარაკებები, არამედ უკვე მუშაობაც დაწყებულია პროექტებზე. ახალი სეზონიდან ყველაფერს თავად ნახავს მაყურებელი და შეაფასებს, რადგან ამდენი ხნის განმავლობაში მხოლოდ ერთიდაიგივე პროექტები გადიოდა ეთერში“- განაცხადა იმედაშვილმა "ნიუპოსტთან" საუბრისას.

მისივე თქმით, ახალ შოუბზე როგორც ძველი ასევე ახალი თანამშრომლები იმუშავებენ.