როგორია ავღანეთში დაშავებული სამხედროების ჯანმრთელობის მდგომარეობა?

საზოგადოება - 09:58, 05 Aug, 2017

1570

საქართველოს თავდაცვის სამინისტროს ინფორმაციით, ავღანეთში, თავდასხმის შედეგად დაშავებული ორი სამხედრო მოსამსახურის, კაპიტან მიხეილ გვირჯიშვილისა და უფროსი ლეიტენანტ გიგა ხახუტაშვილის ჯანმრთელობის მდგომარეობა დამაკმაყოფილებელია.

დაჭრილებს ბაგრამის საავიაციო ბაზის ჰოსპიტალში ოპერაცია დაუყონებლივ ჩაუტარდათ. 23-ე ბატალიონის ექიმის, კაპიტან ირაკლი ქორთუშვილის განცხადებით, დაშავებული სამხედროები ამჟამად ექიმების მეთვალყურეობის ქვეშ იმყოფებიან და დაგეგმილია მათი გერმანიის ქალაქ ლანდშტულის რეგიონალურ სამედიცინო ცენტრში გადაყვანა.

კაპრალი გეგა ხარშილაძე კი, ბაგრამის სამედიცინო დაწესებულებიდან შესაბამისი სამედიცინო დახმარების აღმოჩენის შემდეგ გუშინვე გაეწერა და დაკისრებული ამოცანის შესრულებას შეუდგა.

ავღანეთში საქართველოს შეიარაღებული ძალების უფროსის, სამხედრო წარმომადგენელობისა და ნატოს ავღანურმა სარდლობის ერთობლივი გადაწყვეტიელბით თავდასხმის შედეგად დაღუპული ქართველი მშვიდობისმყოფელის ხსოვნის პატივსაცემად საქართველოს სახელმწიფო დროშა ბაგრამის საავიაციო ბაზაზე, ჰამიდ კარზაის სახელობის საერთაშორისო ბაზაზე, ქაბულში მდებარე „მტკიცე მხარდაჭერის“ მისიის სარდლობის შტაბსა და მაზარ-ი-შარიფის ბაზა „მარმალზე“ დაეშვა.
3 აგვისტოს ბაგრამის საავიაციო ბაზის მიმდებარე ტერიტორიაზე თავდასცმის შედეგად II ქვეითი ბრიგადის 23-ე ბატალიონის უმცროსი სერჟანტი მდინარი ბებიაშვილი გარდაიცვალა.