„ევროპის უნივერსიტეტის" სტუდენტები ბერლინის ენის აკადემიაში გაემგზავრებიან

განათლება - 15:17, 04 Aug, 2017

1998

2017 წლის 7-17 აგვისტოს, ევროპის უნივერსიტეტის საერთაშორისო ურთიერთობების სამსახურის კონკურსის წესით შერჩეული 6 სტუდენტი, ბერლინის ენის აკადემიაში, ინგლისური ენის ინტენსიურ კურსზე გაემგზავრება. სტუდენტებს სწავლის საფასურს "ევროპის უნივერსიტეტი" უფინანსებს:

"მოხარული ვარ, რომ ევროპის უნივერსიტეტის საერთაშორისო ურთიერთობების სამსახური მაძლევს შანსს, ბერლინის ენის აკადემიაში, ინგლისური ენის ინტენსიურ კურსზე გავემგზავრო. ყველაფერი იქიდან დაიწყო, რომ ინგლისური ენის ლექტორმა -ლაშა ჩახვაძემ ინგლისურ ენაში გამოცდის ჩაბარება შემოგვთავაზა იმისთვის, რომ საუკეთესო ექვსეული შეერჩია. ერთ-ერთი, ასე ვთქვათ წარმატებული, მე აღმოვჩნდი და ჩემი უნივერსიტეტის 5 სტუდენტთან ერთად, 2017 წლის 7-17 აგვისტოს ბერლინში გავემგზავრები", - ევროპის უნივერსიტეტის ბიზნეს ადმინისტრირების საბაკალავრო პროგრამის სტუდენტი, ზუკა დანელია.

ევროპის უნივერსიტეტის საერთაშორისო ურთიერთობების დეპარტამენტი კურსის ორგანიზებას, სტუდენტთა დაბინავებასა და კულტურული პროგრამის განხორციელებასაც უზრუნველყოფს. სასწავლო ტურის ფარგლებში ჩვენი სტუდენტები მოინახულებენ ბერლინის ღირსშესანიშნაობებს - სხვადასხვა კულტურულ და საგანმანათლებლო ძეგლს, ასევე წავლენ ექსკურსიებზე. სტუდენტებს დრეზდენის გალერეის დათვალიერების საშუალებაც ექნებათ.

ევროპის უნივერსიტეტი, თავისი საუკეთესო სტუდენტებისთვის, მომავალშიც გეგმავს მსგავსი სასწავლო ტურების ორგანიზებას.

ევროპის უნივერსიტეტი - მიიღე ევროპული განათლება საქართველოში!