"საკუთარი ოჯახი არ ჰყავს, წინა დღეს დედას ამშვიდებდა"- ზესატაფონში ავღანეთში გადრადცვლილ ქართველი სამხედროს გლოვობენ

საზოგადოება - 14:23, 04 Aug, 2017

26616

ავღანეთში დაღუპულ 25 წლის ახალგაზრდას ბეგლარ ბებიაშვილს მეზობლები დადებითად ახასითებენ. ქართველი სამხედრო, ზესტაფონის ერთ-ერთ სოფელში მშობლებთან ერთად ცხოვრობდა

სოფელ მარტოთუბანში მცხოვრებლები აცხადებენ, რომ ბებიაშვილი ავღანეთში მისიით მესამედ იმყოფებოდა.

„უწესიერესი ახალგაზრდა დააკლდა ქვეყანას. როგორც ჩვენთვის ცნობილია, აფეთქება შემოვლის დროს მოხდა. ბიჭი ადგილზე დაუღუპა სამი ქართველი კი დაიჭრა. კონტარქი ოქტომბერში ეწურებოდა და ოჯახს ძალიან უხაროდა. მომხდარის წინა დღეს ესაუბრა დედას და უთხრა, რომ მშვიდად ყოფილიყო. საკუთარი ოჯახი არ ჰყავს…“- აცხადებენ ჯარისკაცის ახლობლები.

ავღანეთში, ბაგრამის საავიაციო ბაზის მიმდებარე ტერიტორიაზე დაღუპულ ქართველ სამხედრო მოსამსახურეს სავარაუდოდ, კვირას ჩამოასვენებენ. აღნიშნულის შესახებ ინფორმაცია „ნიუპოსტს“ თავდაცვის სამინისტროს პრესსამსახურში დაუდასტურეს.

რაც შეეხება დაჭრილების მდგომარეობას, უწყების ცნობით ერთ-ერთი დაშავებულის მდგომარეობა სტაბილურად მძიმეა.

ავღანეთის ისლამურ რესპუბლიკაში, ბაგრამის საავიაციო ბაზის მიმდებარე ტერიტორიაზე ერთობლივი მოტორიზებული პატრულირებისას თავდასხმა განხორციელდა. შედეგად, „მტკიცე მხარდაჭერის“ მისიაში მონაწილე საქართველოს შეიარაღებული ძალების II ქვეითი ბრიგადის 23-ე ქვეითი ბატალიონის უმცროსი სერჟანტი მდინარი საბას ძე ბებიაშვილი (23.10.1991) გარდაიცვალა. უმცროსი სერჟანტი ბებიაშვილი საქართველოს შეიარაღებულ ძალებში 2010 წლიდან მსახურობდა. ის ავღანეთში უსაფრთხოების ხელშეწყობის საერთაშორისო ძალების (ISAF) მისიაში ორჯერ - 2012 და 2014 წლებში მონაწილეობდა. მიღებული აქვს მედლები „სამშვიდობო ოპერაციებში მონაწილეობისთვის“.

მომხდარი თავდასხმისას ასევე, დაშავდა „მტკიცე მხარდაჭერის“ მისიაში მონაწილე საქართველოს შეიარაღებული ძალების სამი სამხედრო მოსამსახურე. მათგან ერთის, კაპიტან მიხეილ ამირანის ძე გვირჯიშვილის ჯანმრთელობის მდგომარეობა სტაბილურად მძიმეა, დანარჩენი ორის - უფროსი ლეიტენანტ გიგა დავითის ძე ხახუტაშვილის და კაპრალ გეგა ელვარდის ძე ხარშილაძის - დამაკმაყოფილებელი. სამივე მათგანი ბაგრამის საავიაციო ბაზის ჰოსპიტალშია მოთავსებული და შესაბამისი სამედიცინო მკურნალობა უტარდებათ.