,,მე გავდივარ... ამასოფლიდან“ - ცნობილ კარიკატურისტს, ბესო დუღაშვილს ოჯახი ეძებს

საზოგადოება - 22:14, 30 Jul, 2017

6303

ცნობილ კარიკატურისტს, ბესო დუღშვილს ოჯახი და ახლობლები ეძებენ. ბესო დუღაშვილს პოლიცია ეძებს, ცოტა ხნის წინ გავრცელდა ინფორმაცია, თითქოს ის მონასტერში იყო, თუმცა არ დადასტურდა. რამდენიმე საათის წინ ბესომ სოციალურ ქსელში გამოსამშვიდებებელი წერილი დაწერა და გაუჩინარდა:

,,როცა დაბადებიდან გესმის, რომ ხარ ნიჭიერი, როცა ცხოვრობ პრინციპით „ადამიანებო! გიყვარდეთ ერთმანეთი!“, როცა ცხოვრების დევიზად გაქვს მარკ ტვენის სიტყვები:-„იცხოვრე ისე, რომ მესაფლავემაც დაიტიროს შენი სიკვდილი“... როცა აშენებ საკუთარ ბედნიერებას და ეს ბედნიერება თავისი ფუნდამენტიანად არათუ უბრალოდ გენგრევა, არამედ ქვეშ გიყოლიებს, გსრესს...

არა ბედნიერება, არა ოჯახი, არა წარმატებული კარიერა, არა... არა... არა...

და დგები დილემის წინაშე, რომ არჩევანი აღარ გაქვს...

მე გავდივარ... გავდივარ ამასოფლიდან დამარცხებული ცხოვრებასთან ჭიდილში!

გავდივარ იქ, საიდანაც არ ბრუნდებიან...((

სუსტი და უმწეო აღმოვჩნდი ამდენ ბრძოლაში...

მე კი უბრალოდ სიცოცხლე მინდოდა, ტკბილი ოჯახი, მოსიყვარულე, გამგები და გამტანი მეუღლე, საყვარელი საქმის კეთება... შვილების აწმყოთი და მომავლით ტკბობა... მშვიდი სიბერე...

დე მე ვიყო ბოლო...

შემინდეთ... და მომიხსენიეთ ლოცვებში

წავედი! თქვენი ბესიკ (ტატო) დუღაშვილი“.

ბესო დუღაშვილის და ანა, საზოგადოებას დახმარებას სთხოვს და სოციალურ ქსელში მის საკონტაქტო ნომერსაც ავრცელებს:

,,ძვირფასო მეგობრებო მე ბესოს და ანნა გწერთ, გემუდარებით თუ ვინმე შეგეხმიანათ დღეს ან შეგხვდათ დამირეკეთ 5 99 542 544“.