ქართველმა მოჭიდავემ გიორგი შოთაძემ (58) სარაევოში მიმდინარე ევროპის ჩემპიონატის ფინალში თურქი მურატ ილდირიმი 3:1 დაამარცხა და ევროპულ ოქროს ზედიზედ მეორედ დაეუფლა.

ევროპის ჩემპიონატის დასრულებამდე ერთი დღით ადრე, საქართველოს ბერძნულ-რომაული სტილით მოჭიდავე ჭაბუკთა ნაკრები საერთო გუნდურ ჩათვლაში პირველ ადგილზეა და უახლოეს მდევრებს - აზერბაიჯანისა და რუსეთის ნაკრებებს 4 ქულით უსწრებს.

დღეს, 30 ივლისს, ფინალში 2 ქართველი ფალავანი, ბექა გურული (54) და გიორგი ცოფურაშვილი (76) იასპარეზებს, ხოლოოთარ აბულაძეს (63 კგ) ბრინჯაოს მედლის მოპოვების შანსი აქვს.

ფინალები 19:00 საათიდან დაიწყება.