მძღოლების იძულებითი ყურადღებისთვის ქუთაისი-სამტრედიის მონაკვეთზე ვიბრო ხმაურიანი ზოლები მოეწყო

საზოგადოება - 20:33, 28 Jul, 2017

14568

საავტომობილო გზების დეპარტამენტი მძღოლების საყურადღებოდა განცხადებას ავრცელებვს. როგორც უწყებაში განმარტავენ, ქუთაისი-სამტრედიის საგზაო მონაკვეთზე, დატვირთული სატრანზიტო მოძრაობის გამო, მძღოლებისთვის გზის სავალ ნაწილზე სპეციალური ვიბრო ხმაურიანი ზოლები მოეწყო, რაც საგზაუ უსაფრთხოების უზრუნველყოფითაა განპირობებული.

,,საავტომობილო გზების დეპარტამენტი გაცნობებთ, იმის გათვალისწინებით, რომ ქუთაისი-სამტრედიის მონაკვეთი დატვირთულია სატრანზიტო მოძრაობით, დამატებითი საგზაო მოძრაობის უსაფრთხოების უზრუნველსაყოფად ავტო-სატრანსპორტო საშუალების მძღოლების ყურადღების იძულებით გამახვილებისათვის საჭეზე მგრძნობიარობის უზრუნველსაყოფად მოეწყო სავალი ნაწილის მთელ სიგანეზე ვიბრო ხმაურიანი ზოლები. გაცნობებთ, რომ საერთაშორისო და შიდასახელმწიფოებრივი მნიშვნელობის საავტომობილო გზების ქსელის გარკვეულ მონაკვეთებზე მიმდინარეობს პერიოდული შეკეთების სამუშაოები, რომელიც ძირითადად მოიცავს საფარის სისწორის, ხორკლიანობის და საცვეთი ფენის აღდგენის სამუშაოებს. სამუშაოების წარმოების პროცესში განთავსებულია შესაბამისი საგზაო ნიშნები, გთხოვთ გაგებით მოეკიდოთ ყოველივე ზემოაღნიშნულიდან გამომდინარე საავტომობილო გზების გარკვეული მონაკვეთებზე შესაძლო არაკომფორტულ გადაადგილებას, რისთვისაც ბოდიშს გიხდით და გისურვებთ უსაფრთხო მგზავრობას“ - ნათქვამია უწყების განცხადებაში.