„იბერიულ-კავკასიური მოძრაობის" გამგეობის თავმჯდომარე ზაზა გაბედავა "ევროპული საქართველოს" ახალგაზრდული ფრთის თავმჯდომარეს თამარ კაკაბაძეს დაემუქრა.

საქმე იმაშია, რომ ზაზა გაბედავამ საჯარო პოსტი დაწერა ელენე ხოშტარიაზე, რომელსაც კაკავაძე გამოეხმაურა. იმავე პოსტზე კომენტარში ზაზა გაბედავა მას "კანაოში პოვნითა" და ოჯახის გადაბუგვით დაემუქრა.

აღნიშნულ ფაქტს, ბრიფინგით უპასუხეს "ევროპულ საქართველოში" და გაბედავასა და თამარ კაკაბაძეს შორის პირადი მიმოწერაც გამოაქვეყნეს.

ელენე ხოშტარიას თქმით, ეს არის რუსეთის მიერ მართული ფაშისტური ჯგუფები, რომლებიც საქართველოს ხელისუფლების მიერ არიან მხარდაჭერილები.

" ჩვენი ახალგაზრდულის თავმჯდომარეს დაემუქრნენ ფიზიკური განადგურებით და ოჯახის ამობუგვით. ჩვენ აქ ძაან კარგად უნდა გვესმოდეს, რომ ეს არის რუსეთის მიერ მართული ფაშისტური ჯგუფები და ეს არის ჩვენი ხელისუფლების მიერ მხარდაჭერილი ჯგუფები“ - განაცხადა ელენე ხოშტარიამ.

“ეს არ არის ერთი პერსონის პრობლემა და პრობლემა არ არის ის, რომ კონკრეტულად მე დამემუქრა ზაზა გაბედავა, ან ვინც არ უდნა იყოს სხვა. მე ვარ პოლიტიკური პარტიის წევრი და გაცილებით მეტად ვარ დაცული, ვიდრე ძალიან ბევრი ქალი ამ ქვეყანაში, იმიტომ, რომ თუნდაც მე შემიძლია გავახმაურო ეს ამბავი. სწორედ ამიტომ არის მნიშვნელოვანი, რომ კვირას რვა საათზე შევიკრიბოთ აღმაშენებლის გამზირის და თამარ მეფის კვეთაზე და მოძალადე ჯგუფებს, ფაშისტურ ჯგუფებს, წახალისებულს ხელისუფლების მხრიდან, კიდევ ერთხელ ვუთხრათ, რომ ჩვენ ვართ მეტნი და ისინი ვერასდროს დაამკვიდრებენ ფაშიზმს საქართველოში“ - განაცხადა კაკაბაძემ.