ქალთა სოლიდარობის მარში და #მორეცხემარჯანიშვილისმოედანი

ქალთა სოლიდარობის მარში და #მორეცხემარჯანიშვილისმოედანი - რომელი აქცია ჩატარდება დღეს

საზოგადოება - 17:27, 19 Jul, 2017

1940

დღეს 19 ივლისს ე.წ. ქართველთა მარშის საპასუხოდ აღმაშენებლის გამზირზე 2 აქცია იყო დაგეგმილი, ქალთა სოლიდარობის მარში და აქცია #მოვრეცხოთმარჯანიშვილისმოედანი. როგორც მეორე აქციის ორგანიზატორი დავით აბზიანიძე აცხადებს, იმის გამო რომ აქციების დრო ერთმანეთს ემთხვეოდა, მეორე აქცია გაუქმდა. აბზიანიძე იმ პირებს რომელიც „#მოვრეცხოთმარჯანიშვილისმოედანი“ აქციაზე მისვლას აპირებდა მოუწოდებს ქალთა სოლიდარობის მარშს შეუერთდნენ.

„მეგობრებო,

მარჯანიშვილის მოედნის მორეცხვის ივენთი წავშალე.

მიზეზი არის ის, რომ მორეცხვის პერფორმანსამდე რამდენიმე წუთით ადრე სრულდება ქალთა სოლიდარობის მარში იმავე ტერიტორიაზე. მორეცხვის ივენთი ბევრად ადრე იყო დაანონსებული, მივწერე კიდეც ქალთა მარშის ერთ-ერთ ორგანიზატორს ამის შესახებ, რომ გუშინ როცა იცოდნენ ამ ამბავზე, არ უნდა დაემთხვიათ.

ხოდა ასეთ თემებზე ჯინზე დადგომა არ მინდა. ნამდვილად არ მსურს მე პირადად იმ იდეის მორეცხვა, რასაც ქალთა სოლიდარობის მარში ატარებს.

მიდით აქციაზე!

ჩაერთეთ ყველა არსებულ პროტესტში, რომელიც კრებსითი კორკოტებისა და სანდრო ბრეგაძეების წინააღმდეგაა. ჩასვრილი ბიძერების თაობამ უნდა დაინახოს, რომ ჩვენ მეტნი ვართ. არ აქვს მნიშვნელობა, ამას მორეცხვის პერფორმანსით გავაკეთებთ თუ მსვლელობის.“- წერს დავით აბზიანიძე ფეისბუკზე.

გავრცელებული ინფორმაცია , რომ დავით აბზიანიძეს ექაუნთი გაუტეხეს და მის მიერ შექმნილი ივენთი "#მოვრეცხოთმარჯანიშვილისმოედანი" წაშალეს არ დადასტურდა, როგორც ორგანიზატორის ფეისბუკსტატუსიდან გახდა ცნობილი, მან ივენთი თავად წაშალა.