"ანა ყელგამოჭრილი იპოვეს, მის ბიძაშვილს ტელეფონი გამორთული აქვს" - ახალი დეტალები 19 წლის გოგონას გარდაცვალების საქმეზე

კრიმინალი - 17:26, 17 Jul, 2017

50499

19 წლის გოგონას გარდაცვალების საქმესთან დაკავშირებით „ნიუპოსტისთვის“ ახალი დეტალები გახდა ცნობილი. როგორც ჩვენს კორესპონდენტს უზნაძის ქუჩაზე მცხოვრებმა ერთ-ერთმა პირმა განუცხადა, ახალგაზრდა გოგონა დეიდას ბინაში, ბიძაშვილ ბიჭთან ერთად ცხოვრობდა, რომელსაც ამ დრომდე ვერ პოულობენ.

მეზობლების ინფორმაციით, გარდაცვლილის დეიდა ამჟამად ფოთშია, ის გოგონას მთელი დღის განმავლობაში ტელეფონზე ურეკავდა და როდესაც ვერ დაუკავშირდა, დასახმარებლად მეზობლებსა და სამართალდამცავებს მიმართა.

უზნაძის 117-ში მცხოვრებლები „ნიუპოსტს“ უცხადებენ, რომ გარდაცვლილი გოგონა ბიძაშვილის მეგობრებმა იპოვეს, რომლებიც ბიჭს ეძებნდნენ. ახალგაზრდები საცხოვრებელ სახლში ფანჯრიდან გადაძვრნენ, ადგილზე გვამი დახვდათ. გარდაცვლილს ჭრილობა ყელის არეში აქვს მიყენებული.

რაც შეეხება მოკლულის დეიდაშვილს, მას ტელეფონი ამ დრომდე გამორთული აქვს.

"მობილურზე ურეკავდნენ, სატელეფონო ზარებს არცერთი მათგანი არ პასუხობდა. გოგონა აქ ცხოვრობდა"- განაცხადა ერთ-ერთმა მეზობელმა.

გარდაცვლილის ნაცნობი, ჯინა ერთ-ერთი იმათგანია, ვინც გოგონას ტელეფონზე ზარი განახორციელა.

"დეიდამ დამირეკა, მთხოვა გადადი, ანა არ მპასუხობს და გაარკვიე რა ხდებაო, მე ბიძაშვილს საერთოდ არ ვიცი, როგორც ჩემთვის ცნობილია ოჯახში კიდევ ერთი ადამიანი, სავარაუდოდ ძმისშვილი ცხოვრობდა"- აცხადებს კიდევ ერთი მეზობელი.

შინაგან საქმეთა სამინისტრო გამოძიებას სისხლის სამართლის კოდექსის 108-ე მუხლით აწარმოებს. 108-ე მუხლი, განზრახ მკვლელობის მუხლია და ბრალის დამტკიცების შემთხვევაში 7-15 წლამდე პატიმრობას ითვალისწინებს.