17 ივლისიდან თბილისის საავტობუსო მარშუტებზე დამატებით, Man-ის ახალი ავტობუსები იმოძრავებენ. არსებული სქემა მოიცავს და ფარავს თბილისის თითქმის ყველა უბანს, - ამის შესახებ „კომერსანტსნ" თბილისის მერმა, დავით ნარმანიამ განუცხადა.

17 ივლისიდან ერთი კვირის განმავლობაში ავტობუსები შემდეგ მარშუტებზე ეტაპობრივად დაიწყებენ მოძრაობას:

№ 88 მარშრუტი: ნუცუბიძის მე-2-4 მ/რაიონი - ქავთარაძის ქ. - თამარაშვილის ქ. - ვაკე - რუსთაველის გამზირი - ბარათაშვილის ქ. (11 ერთეული)

№24 მარშრუტი: გლდანის დასახლება - დიღმის მასივი - მარშალ გელოვანის გამზირი - ჟვანიას მოედანი - ვაჟა ფშაველას გამზირი - ქავთარაძის ქ. - თსუ-ის მაღლივი კორპუსი ( 11 ერთეული);

№ 33 მარშრუტი: გლდანის დასახლება - სანზონა - წერეთლის გამზირი - დავით აღმაშენებლის გამზირი - ვარდების მოედანი - რუსთაველის გამზირი - ბარათაშვილის ქ. (10 ერთეული);

№140 მარშრუტი: ბარათაშვილის ქ. - რუსთაველის გამზირი - ვაკე - თამარაშვილის ქ. - ვაჟა ფშაველას გამზირი - ქავთარაძის ქ. - პოლიტკოვსკაიას ქ.(11 ერთეული);

№150 მარშრუტი: ბარათაშვილის ქ. - რუსთაველის გამზირი - კოსტავას ქ. - საბურთალოს დასახლება - ვაჟა ფშაველას გამზირი - თსუ-ის მაღლივი კორპუსი (11 ერთეული).

დიდი დიღომში გზის რეაბილიტაციის დასრულების შემდეგ Man-ის ავტობუსები დაიწყებს მოძრაობას № 14 და № 21 მარშრუტზე.