თბილისში, დედაენის ბაღში ნარკოდანაშაულის ბრალდებით დაკავებული მსახიობის გიორგი გიორგანაშვილის, (ბახალას) მხარდამჭერი აქცია მიმდინარეობს.

აქციის ორგანიზატორების თქმით, მსახიობი 5 თვის წინ დააკავეს.

მისი ახლობლები ამტკიცებენ, რომ ნარკოტიკი მას არ ეკუთვნოდა.

დედაენის ბაღში შეკრებილები ამბობენ, რომ ბოლო პერიოდის „ჩადების“ გახმაურებული ფაქტების მსგავსად, მოწმეები მხოლოდ პოლციიელები არიან.

მსახიობის მეგობრების ინფორმაციით, დაკავებისას მისი დაჟინებული თხოვნის მიუხედავად, ჩხრეკას არავინ დაასწრეს.

მსახიობი გამოძიების მხრიდან მასზე პერმანენტული ზეწოლის შესახებ მიუთითებს.

აქციას, რომელიც მოძრაობა "თეთრი ხმაურის" ორგანიზებით იმართება, მსახიობის მხარდამჭერებთან ერთად პოლიტიკოსებიც ესწრებიან.

"ბახალას" ბრალი განსაკუთღებით დიდი ოდენობით ბუპრენორფინის პირადი მოხმარების მიზნით ფლობისთვის აქვს წაყენებული, სასჯელის ზომად კი 8-დან 20 წლამდე თავისუფლების აღკვეთა ან უვადო პატიმრობა ემუქრება.