"განვითარებულ მოვლენებზე პასუხისმგებლობა თქვენ დაგეკისრებათ“ - უფლაბადამცველი ძმის სამძებრო ღონისძიებებით უკმაყოფილოა

საზოგადოება - 11:22, 08 Jul, 2017

1484

უფლებადამცველი ძმას 45 წლის კობა ბაკურიძეს 5 დღეა ეძებს. თამაზ ბაკურიძე შინაგან საქმეთა სამინისტროს აჭარის სამმართველოს მიმართავს ბულვარის ტერიტორიიდან ვიდეო მასალებს დღის ბოლომდე ამოიღონ, წინააღმდეგ შემთხვევაში კობა ბაკურიძის ოჯახი რადიკალურ ზომებს მიმართავს.

„მინდა მივმართო შინაგან საქმეთა სამინისტროს აჭარის სამმართველოს შემდეგი კითხვით, ჩემს ძმას ან ნებისმიერ ადამიანს რომ ჩაედინა სისხლის სამართლის დანაშაული ანბანის კოშკთან ან სანაპიროს სხვა ადგილას, სადაც სათვალთვალო კამერები დგას, ამ შემთხვევაში თქვენ ხომ ოპერატიულად მოახდენდით რეაგირებას და მტკიცებულების სახით დაკავების საფუძველად გამოიყენებდით სათვალთვალო კამერებზე აღბეჭდილ კადრებს? და ამ შემთხვევაში, როცა იცით და თავად გაქვთ აღძრული საქმე რომ ადამიანი დაკარგულია, ასევე გაქვთ ამოღებული მხოლოდ ერთი ფირი, სადაც ჩანს როგორ მივიდა ანბანის კოშკთან ავტომანქანით და გადმოვიდა.... რატომ არ მიჰყევით ბოლომდე კვალს - სად როგორ და რა დროს მოძრაობდა სანაპიროზე? 3 ივლისის შემდეგ რა პროცედურებს ელოდებით რომ ამოიღოთ ფირები? დღის ბოლომდე თუ ოჯახს არ ექნება ეს ჩანაწერები, მაშინ რაც მოხდება პასუხისმგებლობა შემდეგ განვითარებულ მოვლენებზე დაგეკისრებათ თქვენ“, - აცხადებს თამაზ ბაკურიძე.

ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.