ხაშურისა და ბაკურიანის ნაგავსაყრელებზე დაგეგმილია: საკონტროლო-გამშვები ჯიხურებს განთავსება, სანიაღვრეებისა და წყალარინების სისტემების მოწესრიგება, უსაფრთხოების ფარის მოწყობა და ა.შ. უკვე დაინიშნენ რეგიონული კოორდინატორები და ნაგავსაყრელის ოპერატორები, რომლებიც გააკონტროლებენ არსებულ ტერიტორიაზე ნარჩენების სწორ განთავსებას, აღრიცხვიანობას და ექსპლუატაციას.

მინისტრის მოადგილესთან ერთად, ღონისძიებას ესწრებოდნენ შვედი ექსპერტები, რომლებიც საქართველოში იმყოფებიან და მყარი ნარჩენების მართვის კომპანიას ტექნიკურ დახმარებას უწევენ. ვიზიტის ფარგლებში ისინი ხაშურის, ბაკურიანისა და სხვა არსებულ ნაგავსაყრელებს შეაფასებენ და მათი საექსპლუატაციო სამუშაოების ჩატარებაში მიიღებენ მონაწილეობას.