ხანძარი ელიავაზე - სად უნდა გადასულიყო ბაზარი გენ.გეგმით და რატომ ეწინააღმდეგებიან მას მესაკუთრეები

საზოგადოება - 19:36, 03 Jul, 2017

4701

ელიავას ბაზრობაში გაჩენილი ხანძრის გამომწვევ მიზეზებს გამოძიება სწავლობს. ამის პარალალურად კი ცნობილი ხდება, რომ თბილისის გენერალური გეგმის ავტორების პროეატით ბაზრობა ისანში, 2 ლოკაციაზე უნდა გადასულიყო.

გენერალური გეგმის საბოლოო ვარიანტის მიხედვით, რომელიც მერიას ჯერ ოფიციალურად არ დაუმტკიცებია, აგლაძის ქუჩაზე სარეაკრაციო ზოლი უნდა მოეწყოს.

„ჩვენ წინადადებას ვთავაზობთ, ჩვენ ვამბობთ, რომ ქალაქის განვითარებისთვის ეს არის კარგი და მისაღები, თუმცა, აქვე ვამბობთ, რომ მიმდებარე ტერიტორიაზე გადავიდეს ისნის მეტროსთან და სანზონის ტერიტორიაზე და არა თბილისის ზღვაზე ან ქალაქგარეთ,“ - განაცხადა თბილისის განვითარების გენერალური გეგმის ავტორმა, მამუკა სალუქვაძემ.

მესაკუთრეებისთვის ელიავას ბაზრობის ტერიტორიის სარეკრეაციო ზონად გადაქცევა მიუღებელია, რადგან, როგორც ისინი ამბობენ, თბილისი მთავრობამ ბიუჯეტიდან უდნა დახარჯოს შესაბამისი თანხა. თავად მესაკუთრეები კი დედაქალაქის მთავრობას ამ ტერიტორიის კეთილმოწყობას და გარკვეულ ნაწილზე სარეკრეაციო ზონის მოწყობას საკუთარი სახსრებით სთავაზობენ.

ელიავას ბაზრობის საინიციატივო ჯგუფის ხელმძღვანელი, თემურ ანდრიაძე აცხადებს, რომ გეგმის მიხედვით, მერიას დიდი რაოდენობით თანხის „ჰიპოტეთურ“ ბაღში დახარჯვა მოუწევს და უმჯობესია მთავრობაში მეწილეების შეთავაზებას მოუსმინონ.

„ხედვა, რომელიც ეხება ელიავას ბაზრობის გადატანის საკითხს, აბსოლუტურად არასწორია და არ ვეთანხმები იმიტომ, რომ ელიავას ბაზრობაზე დასაქმებულია უამრავი, 15 ათასამდე დასაქმებული თანამშრომელი და მილიონობით ლარი შედის ბიუჯეტში,“ - განაცხადა გია ანდრიაძემ.