ერთ წამში შეცვლილი ცხოვრება...

საზოგადოება - 14:49, 03 Jul, 2017

2396

ორმა ინსულტმა ჯანმრთელი და მოსიყვარულე მეუღლე და მამა ვახტანგ ჯიქურიძე საწოლს მიაჯაჭვა. ამის შემდეგ ოჯახის არსებობა კოშმარად გადაიქცა! ინვალიდობის პენსია და მიზერული სოციალური დახმარება საკვების და მედიკამენტების შესაძენადაც კი არ ჰყოფნით.

როგორ აჭამოს ბავშვებს და როგორ შეიძინოს წამლები მეუღლისთვის, როგორ გადაიხადოს კომუნალური გადასახადები - ეს დოდოს მთავარი საფიქრალია. ეკლესიამ მისცა მას რწმენა, რომ ყველა უბედურება გაივლის, ღმერთი და კეთილი ადამიანები დაეხმარებიან მათ.

დოდო ღვეზელების ცხობით არჩენს ოჯახს. ის ცრემლებს ვერ იკავებს, როდესაც ბავშვების ნაღვლიან თვალებს ამჩნევს. პატარები დედას შესცქერიან, როგორ მიაქვს გემრიელი ღვეზელები სახლიდან. ძალიან უნდათ რომ გასინჯონ ერთი მაინც, მაგრამ იციან, რომ გამომუშავებული გროშებით მამას წამლები უნდა უყიდონ.

ეს ოჯახი, ისევე როგორც ასობით სხვა, სიღარიბის ზღვარს მიღმა მყოფი ოჯახი ჩერნოვეცკის ფონდიდან რეგულარულად იღებს დახმარებას პროდუქტების, წამლებისა და ჰიგიენური საშუალებების სახით და ეს დახმარება ოჯახისთვის დიდი შვებაა.

საცხოვრებელი, სადაც ჯიქურიძეები ცხოვრობენ, სახლი პირობითად შეიძლება ვუწოდოთ. სახურავი ფაქტობრივად არ არსებობს, ერთ პატარა 14 კვ.მ ოთახში 6 ადამიანი ცხოვრობს. ბავშვებს დედასთან ერთად ხშირად ცივ იატაკზე დაძინება.

თუ გაქვთ საშუალება დაეხმაროთ ოჯახს საკვები პროდუქტებით, წამლებით, ჰიგიენური საშუალებით ან ფინანსურად თანხა შეგიძლიათ ჩარიცხოთ ფონდის ანგარიშზე GE15TB7194336080100003 ან GE64BG0000000470458000 ( დანიშნულება: ჯიქურიძეების ოჯახი) ან პირდაპირ ვებ–გვერდიდან.

მოგიწოდებთ ყველას ცოტახნით დაივიწყეთ თქვენი პრობლემები, მიმოიხედეთ გარშემო და წარმოიდგინეთ როგორ უჭირთ მათ ვინც კი არ ცხოვრობს არამედ არსებობს.