ხანძარი ელიავაზე - ჰქონდათ თუ არა მეხანძრეებს წყალი და ქაფი?

საზოგადოება - 11:10, 03 Jul, 2017

2367

გავრცელებულ ინფორმაციას, რომლის მიხედვითაც მეხანძრეებს რომლებიც ელიავას ბაზრობაზე ცეცხლს აქრობდნენ წყალი და ქაფი არ ჰქონდათ, შინაგან საქმეთა სამინისტროს საგანგებო სიტუაციების მართვის სააგენტოს თბილისის მთავარი სამმართველოს უფროსის მოადგილე დავით გელაშვილი გამოეხმაურა.

მისი თქმით, ინფორმაცია სიმართლეს არ შეესაბამება.

გელაშვილი ამბობს, რომ ხანძრის შესახებ შეტყობინების შესვლიდან ხუთ წუთში ადგილზე ორი სახანძრო გამოცხადდა.

გაჟღერდა ინფორმაცია, თითქოს სახანძროს წყალი და ქაფი არ ჰქონდა, ეს არ შეესაბამება სიმართლეს. მათი მხრიდან მსგავსი ტიპის განცხადებები არის დილეტანტიზმი. მუშაობდა 30-მდე სახანძრო. გამოყენებული იყო ათეულობით წყლის ლულა. არცერთი ლულა იმ მიზეზით, რომ წყალი არ ჰქონდა, არ გაჩერებულა. ამ მომენტისთვის ხანძარი ფაქტობრივად ლიკვიდირებულია. მიმდინარეობს მონაკვეთების დათვალიერება. 112-ში ხანძრის შესახებ შეტყობინება 21:16 საათზე შემოვიდა, პირველ ხუთ წუთში 2 სახანძრო იყო ადგილზე მობილიზებული. მას შემდეგ რაც უსაფრთხოების მაღალი დონე გამოცხადდა, ადგილზე მივიდა 30-მდე სახანძრო. დაახლოებით 2000 კვმ ფართია დამწვარი. ხანძრის მიზეზს და ზარალის ოდენობას ჯერ ვერ გეტყვით“,- განაცხადა დავით გელაშვილმა.