2013 წლის 26 ივლისს ათასწლეულის გამოწვევის კორპორაციასა და საქართველოს მთავრობას შორის ხელი მოეწერა მეორე კომპაქტის ხელშეკრულებას, რომელიც ითვალისწინებს საქართველოსთვის 140 მილიონი აშშ დოლარის მეორე კომპაქტის გამოყოფას, რომლის მიზანია საქართველოში სიღარიბის დაძლევა და ეკონომიკური ზრდის ხელშეწყობა ზოგადი, ტექნიკური, პროფესიული და უმაღლესი განათლების ხარისხის განვითარების გზით.

ათასწლეულის კომპაქტის საფუძველზე, ათასწლეულის გამოწვევის ფონდი - საქართველოსა (MCA-Georgia) და სსიპ საგანმანათლებლო და სამეცნიერო ინფრასტურქტურის განვითარების სააგენტოს (ESIDA) შორის გაფორმებული „განმახორციელებელი სააგენტოს შეთანხმების“ ფარგლებში, 2014 წლის 11 ნოემბერს გაფორმებული №86 ხელშეკრულების შესაბამისად, სსიპ საგანმანათლებლო და სსიპ სამეცნიერო ინფრასტრუქტურის განვითარების სააგენტო უზრუნველყოფს „ზოგადი ხარისხის გაუმჯობესების პროექტის“ განხორციელების მხარდაჭერას, კერძოდ, ფონდის მიერ რეაბილიტირებული საჯარო სკოლების: ტერიტორიის კეთილმოწყობას, შემოღობვას, ელექტროენერგიის, ცენტრალური გაზმომარაგების, ასევე, წყალმომარაგების და წყალარინების უზრუნველყოფას, რაც მოიცავს წყლის ჭაბურღილის რეაბილიტაცია/მოწყობას, სადაწნეო კოშკის ან სატუმბი სადგურის მშებნებლობას, ცენტრალურ საკანალიზაციო სისტემასთან მიერთებას ან, ცენტრალური საკანალიზაციო სისტემის არარსებობის შემთხვევაში, სკოლის ტერიტორიაზე დამონტაჟებული ბიოლოგიური გამწმენდი ნაგებობებიდან -“ბიოტალიდან” - გამოსული წყლების მილებით ახლომდებარე მდინარეებში გადაყვანას. 2017 წლის 28 ივნისს ზემოაღნიშნული ხელშეკრულებით გათვალისწინებულ 19 საჯარო სკოლას გადაეცა 334 დაფა და 47 საჯარო სკოლას გადაეცა 463 კომპიუტერი.