სახელმწიფო დაცვის მოქმედი ხელმძღვანელი, ბიძინა ივანიშვილის პირადი დაცვის ყოფილი უფროსი, ანზორ ჩუბინიძე საქართველოს ყოფილი პრემიერ-მინისტრის, ბიძინა ივანიშვილის ჯანმრთელობის მდგომარეობაზე პირველ კომენტარს აკეთებს.

ჩუბინიძის განცხადებით, მილიარდერის ჯანმრთელობის მდგომარეობის გაუარესების შესახებ გავრცელებული ინფორმაცია სიმართლეს არ შეესაბამება:

„გარწმუნებთ, რომ მისი ჯანმრთელობის მდგომარეობა ძალიან კარგია. ბიძინა ივანიშვილი ბოლოს ვნახე, დაახლოებით, 20-25 დღის უკან. ბატონი ბიძინა იმყოფება საქართველოში, მას არ დაუტოვებია საქართველოს ტერიტორია. მას შემდეგ, რაც მისი ჯანმრთელობის შესახებ ჭორები აგორდა, არ მინახავს, თუმცა, მისი დაცვის თანამშრომლებთან მჭიდრო კავშირი მაქვს, კარგად ვიცნობ, ბევრი ჩემი მეგობარია, კარგად ვიცი ინფორმაცია, ბატონ ბიძინას ჯანმრთელობის პრობლემა არ აქვს,“ - განაცხადა ანზორ ჩუბინიძემ.