,,გამოეკიდნენ და მოედანზე ესროლეს“ - რატომ მოკლეს 27 წლის გიორგი ფიცხელიანი

კრიმინალი - 15:30, 25 Jun, 2017

19823

ვაჟა-ფშაველას პირველ კვარტალში ცეცხლსასროლი იარაღით 27 წლის გიორგი ფიცხელიანი მოკლეს. შემთხვევა გვიან საღამოს მოხდა. თვითმხილველთა ინფორმაციით, სროლას წინ ჩხუბი უძღოდა. დაშავებული ახალგაზრდა საავადმყოფოში გადაიყვანეს, სადაც სასწრაფო ოპერაცია ჩაუტარდა, თუმცა მისი გადარჩენა ვერ მოხერხდა.

როგორც ,,ნიუპოსტს“ ადგილობრივები უყვებიან, ახალგაზრდა საცხოვრებელ კორპუსებთან მდებარე სტადიონისკენ გამოიქცა, სადაც ის ჩაცხრილეს. ,,ჩხუბის ხმაც ისმოდა, შემდეგ უკვე რამდენიმე გასროლა მოხდა. როგორც სჩანს გამოეკიდნენ და აქ სათამაშო მოედანზე ესროლეს. აქ ეგდო რომ გამოვედით სისხლიანი. ამ ეზოში სულ ბავშვები არიან გვიანობამდე და თავისუფლად შეიძლება ბავშვებს რამე დამართნოდათ“ - აცხადებენ მეზობლები.

გიორგი ფცხელიანს 7 ტყვია აქვს მოხვედრილი.

როგორც მოგვიანებით გახდა ცნობილი, გიორგი ფიცხელიანი, 2009 წელს ქუთაისში მომხდარ ინციდენტში ფიგურირებდა. ფიცხელიანმა მასთან მყოფ პირთან ერთად ორი ადამიანი იარაღით დაჭრა, რის გამოც მან სასჯელიც მოიხადა.

შინაგან საქმეთა სამინისტროს ცნობით, გიორგი ფიცხელიანის მკვლელობის საქმესთან დაკავშირებით მიმდინარეობს გამოძიება სისხლის სამართლის კოდექსის 236-ე (იარაღის უკანონო ტარება შეძენა-შენახვა) და 108-ე (განზრახ მკვლელობა) მუხლებით.

დამატებით დეტალებზე სამართალდამცავ უწყებაში არ საუბრობენ.