ბორჯღალოსნებმა მეორე ტესტ-მატჩშიც გაიმარჯვეს

ბორჯღალოსნებმა მეორე ტესტ-მატჩშიც გაიმარჯვეს - საქართველო-აშშ 21:17

სპორტი - 12:31, 18 Jun, 2017

5073

დასრულდა ივნისის ტესტების მეორე მატჩი ატლანტაში, სადაც ბორჯღალოსნებმა აშშ-ს 21-17 სძლიეს და ზაფხულის ტესტ სერიის ზედიზედ მეორე მატჩში გაიმარჯვეს. ამ ორი გუნდის თამაშების ურთოერთ-შეხვედრების ისტორიაში საქართველოს ნაკრებმა "არწივებს აშშ-ში პირველად სძლია. ბორჯღალოსნებს მერაბ შარიქაძემ უკაპიტნა.

მე-9 წუთზე მერაბ კვირიკაშვილმა ამერიკელთა შეცდომით ისარგებლა და კონტრშეტევაზე გახსნა ანგარიში ლელოთი, თუმცა გარდასახვა ვერ გაიტანა - 0:5.

ამის შემდეგ ეი ჯი მაკგინტიმ საჯარიმო შეასრულა ზუსტად, რასაც მერაბ კირიკაშვილის ანალოგიური პასუხი მოჰყვა - 3:8.

28-ე წუთზე მერაბ კვირიკაშვილმა კიდევ ერთი ჯარიმა გაიტანა - 3:11.

ტაიმის მიწურულს (როცა სტუმრები რიცხობრივ უპირატესობაში იყვნენ) საჯარიმო ლელოს შემდეგ, საქართველოს ნაკრები კიდევ უფრო დაწინაურდა - 3:18.

მეორე ტაიმის დასაწყისში კვირიკაშვილმა მორიგი საჯარიმო გაიტანა - 3:21.

57-ე წუთზე ამერიკელებმა მატჩში პირველი ლელო დადეს, ეს ნეით ოგსპერგერმა შეძლო, ხოლო მაკგინტიმ გარდასახა - 10:21.

13 წუთში ამერიკელებმა მორიგი ლელო (იენსენი) რიცხობრივ უპირატესობაში გაიტანეს, რომელიც მაკგინტიმ გარდასახა - 17:21.

წინ ივნისის ტესტ-სერიის მესამე მატჩია, რომელშიც ბორჯღალოსნები არგენტინას 24 ივნისს 23:15 საათზე გაიმართება