მთავარი პროკურორი „ბავშვთა სამყაროში“ გაჩენილი ხანძრის შედეგად დაზარალებულებს ხვდება.

დაზარალებულები ირაკლი შოთაძისგან გამოძიების დროულად დასრულებას მოითხოვენ.

დაზარალებულებმა საპროტესტო აქცია მთავარ პროკურატურასთან გამართეს, სადაც ზაზა ხატიაშვილიც მივიდა. ადვოკატთა ასოციაციის თავმჯდომარე პროკურატურას სწრაფი გამოძიებისკენ მოუწოდებს.

დაზარალებულთა განცხადებით, "ბავშვთა სამყაროში" ხანძარი არა შემთხვევით, არამედ მიზანმიმართულად გაჩნდა.

ისინი ზარალის სრულად ანაზღაურებასაც მოითხოვენ. წინააღმდეგ შემთხვევაში კი, შიმშილის დაწყებას გეგმავენ.