საპროტესტო აქცია ქვიშხეთში-მოსახლეობა ჩინურ კომპანიას უპირისპირდება

საზოგადოება - 13:31, 16 Jun, 2017

2135

საპროტესტო აქცია ქვიშხეთში. „ნიუპოსტის“ კორესპონდნეტის ცნობით, ადგილობრივები, დაცულ ტერიტორიაზე მას შემდეგ შეიკრიბნენ, რაც შეიტყვეს, რომ ჩინურმა კომპანიამ შესაძლოა სოფელი დატოვოს, ისინი კი, კომპენსაციების გარეშე დარჩნენ. დაზარალებულებმა დღეს, კომპანიის მიერ დაქირავებულ მუშახელს ნაკისრი ვალდებულების შესრულების საშუალება აღარ მისცეს. სარკინიგზო გვირაბის მშენებლობის პროცესში დაზარალებული მოსახლეობა საქართველოს რკინიგზის დეპარტამენტისა და სამშენებლო კომპანიას ხელშეკრულების პირობების დარღვევაში ადანაშაულებს. ისინი დახმარებას ახლა უკვე, ხალისუფლების წარმომადგენლებს სთხოვენ.

ქვიშხეთის მცხოვრებლების ინფორმაციით, სარკინიგზო გვირაბის მშენებლობა აფეთქების მეთოდით მიმდინარეობდა. იმ ადგილის ზევით, სადაც ჩინურმა კომპანიამ კოლაბსი მოახდინა, საცხოვრებელი სახლები მდებარეობს. მიწის ქვეშ ძლიერი მუხტებისა და აფეთქების შედეგად კი, ბინები დანგრევის პირას აღმოჩნდა. დაზარალებულია 35 ოჯახზე მეტი, აქედან ექვსი ოჯახის სახლი საცხოვრებლად აღარ გამოდგება. ქვიშხეთელების მხარდაჭერის მიზნით, ადგილზე დღეს ხაშურელებიც ცავიდნენ. ადგილზე იმყოფებოდა ხაშურის მუნიციპალიტეტის გამგებელი და მაჟორიტარი დეპუტატის ბიუროს წარმომადგენელი. ისინი დაზარალებულებს კომპეტენციის ფარგლებში დახმარებას დაპირდნენ.