10 ივნისს, ძლიერი წვიმის გამო საქართველოში ელექტროენერგიის მიწოდება 12 ათასს აბონენტს შეუწყდა. კერძოდ, ელექტროენერგია გაეთიშა იმერეთის, შიდა ქართლის, მცხეთა-მთიანეთის და ქვემო ქართლის აბონენტთა ნაწილს.

მიუხედავად იმისა, რომ მაღალი ძაბვის ელეტროგადამცემი ხაზები მწყობრიდან არ გამოსულა, ღამის საათებში მათი დატბორვის საშიშროება შეიქმნა, თუმცა პრევენციული ღონისძიებების შედეგად, დატბორვის თავიდან აცილება მოხერხდა. ძირითადად, დაზიანდა დაბალი ძაბვის ელექტროგადამცემი ხაზები, ტრასფორმატორები და ფიდერები.