ზუგდიდში დევნილები აქციას მართავენ

საზოგადოება - 15:18, 10 Jun, 2017

1912

ზუგდიდში, კომბინატის დასახლებაში კულტურის სახლის წინ დევნილთა აქცია მიმდინარეობს.

როგორც ნიუპოსტის კორესპოდენტო ადგილიდან იტყობინება, ისინი საყოფაცხოვრებო პირობების გაუმჯობესებასა და იმ ოჯახებისთვბის სახლების გადაცემას მოითხოვენ, რომელთაც საცხოვრებელი ფართები ჯერჯერობით ვერ მიიღეს.

აქციის მონაწილეები აცხდებენ, რომ დევნილებისთვის სახლების დარიგება პროტექციით მოხდა.

აქციაზე იმყოფებიან ე.წ. ტყის ძმების წევრები.

აქციის ორგანიზატორი, „ტყის ძმების“ ლიდერი დათო შენგელიაა. გავრცელებული ცნობით, დათო შენგელიამ ორი დღის წინ გალის გამგეობაში თათბირი ჩაატარა და გამგებლებს დაავალა, აქციისთვის თითოეულ მათგანს 80-მდე ადამიანის მობილიზება მოეხდინა.

ჟურნალისტების კითხვაზე, რა უფლებით შევიდა ის გალის გამგეობაში და მოითხოვა ხალხის მობილიზება, შენგელიამ განაცხადა, რომ როგორც „ტრის ძმების“ მეთაურს, გარკვეული ძალაუფლება აქვს და ხელისუფლება მას უნდა უსმენდეს.

როგორც აქციაზე მყოფი ადამიანები აცხადებენ, ისინი კომპაქტურ დასახლებებში ცხოვრობენ და აქციაზე, ყოფილი პარტიზანების გაფრთხილებით მივიდნენ.

ამ წუთებში, აქციაზე სიტყვით გამოდიან, შენგელიასა და მისი მხარდამჭერების მიერ დაარსებული „საზოგადობეირვი დარბაზის“ წევრები,

ისინი დევნილებისთვის შემწეობის 160 ლარამდე გაზრდას და საცხოვრებელი ფართების დაჩქარებით მშენებლობას მოითხოვენ.

მათივე თქმით, ისინი გარკვეულ ძალას წარმოადგენენ და თუკი ხელისუფლება მათ მოთხოვნებს არ გაითვალისწინებს, არჩევნებში საკუთარ სიტყვას იტყვიან.