მიწიძვრა საქართველოში - დიღომში ცენტრალური წყალსადენის მაგისტრალი დაზიანდა

საზოგადოება - 11:08, 08 Jun, 2017

36135

ჯეორჯიან ვოთერ ენდფაუერში აცხადებენ, რომ დიღომში ცენტრალურ მაგისტრალზე მომხდარ დაზიანება მიწისძვრას უკავშირდება. მაგისტრალური მილი ღამის ორ საათზე დაზიანდა, რის გამოც დაიტბორა თელასის ქვესადგური დიღომი 1.

წყალსადენის დაზიანების გამო, ელექტროენერგიის მიწოდება შეუწყდა სოფელ დიღომს და დიღმის მასივს, მათ შორის საავადმყოფოებს და სხვა სასიცოცხლო დანიშნულების ობიექტებს, თუმცა ელექტროენერგიის მიწოდების აღდგენა უკვე მოხერხდა.

„წუხელ შეინიშნებოდა მიწის ქვეშა ბიძგები და სეისმური აქტივობა, რამაც გამოიწვია ჩვენი მიწისქვეშა კომუნიკაციის დაზიანება. კერძოდ, დიღომში 900-იანი მაგისტრალური მილის დაზიანება მოხდა. მილზე იყო მექანიკური ზეწოლა და დაზიანების შემდეგ წყლის ნაკადმა სიახლოვეში მყოფ თელასის ქვესადგურში შეაღწია და ასევე ელექტრო ნაწილის დაზიანებაც გამოიწვია,“ - განაცხადა ჯორჯიან ვოთერ ენდ ფაუერის დირექტორმა ოპერაციული მართვის დარგში, მამუკა კიკალიშვილი.

წყალსადენის დაზიანების შედეგად ასევე დაიტბორა ავეჯის მცირე საწარმოც. მესაკუთრის თქმით, ზარალი დაახლოებით 20 ათასი ლარია.სოფელ დიღომში 200-მდე აბონენტს წყალი ამ დრომდე არ მიეწოდება.