სოფელი დიღომი და დიღმის მასივი ელექტროენერგიის გარეშეა დარჩენილი. ელექტროენერგია საავადმყოფოებს და სხვა სასიცოხლოობიექტებსაც არ მიეწოდებათ.

„თელასის" ინფორმაციით, მაღალი ძაბვის ქვესადგურის, დიღომი1-ის ტერიტორიის დატბორვის გამო, ქვესადგური გამორთულია და ელექტროენერგია არ მიეწოდება დიღმის 15 000 მომხმარებელს, მათ შორის, დიღომში განთავსებულ ყველა საავადმყოფოს.

როგორც კომპანიის მიერ გავრცელებულ განცხადებაშია აღნიშნული, თელასის მაღალი ძაბვის ქვესადგურის დატბორვა GWP წყლის მილსადენის დაზიანებამ გამოიწვია. ინციდენტი 02 საათსა და 21 წუთზე მოხდა.

„საგანგებო სიტუაციების სამსახური ახორციელებს წყლის ამოტუმბვის სამუშაოებს. თელასის ტექნიკური სამსახური საგანგებო რეჟიმში მუშაობს, რომ უმოკლეს დროში მოხდეს მაღალი ძაბვის ქვესადგურ დიღომი1-ის აღდგენითი სამუშაოების დასრულება და მომხმარებლებისთვის ელექტროენერგიის მიწოდება“, - აღნიშნულია „თელასის“ განცხადებაში.