ბადაშვილი კვლავ პროკურატურაში - არასამთავრობოები განმარტებას ითხოვენ

საზოგადოება - 18:31, 07 Jun, 2017

1658

გიორგი ბადაშვილის მთავარი პროკურორის მოადგილედ დანიშვნას მესამე სექტორი ეხმაურება. არასამთავრობოები ხელისუფლების მხრიდან კონკრეტული განმარტებების მოლოდინში არიან.

საქართველოს ახალგაზრდა იურისტთა ასოციაციის თავმჯდომარეს ბადასვილის დანიშვნისირგვლივ კითხვები აქვს.

მისი თქმით, "ადამიანი, რომელიც იყო მთავარი პროკურორის პოზიციაზე არაერთი წელი და რომელმაც ვერ გამოიჩინა თავი და ვერც მისი ხელმძღვანელობის ქვეშ ამ უწყებამ ვერ გამოიჩინა თავი, პირიქით, იყო ბევრი კითხვა ძალიან ბევრ საქმეზე თუ ტენდენციებზე, რითი არის განპირობებული და რითი საბუთდება ის, რომ ეს ადამიანი კვლავ ბრუნდება ამ უწყებაში, მითუმეტეს, კონკრეტული საეჭვო პროცედურის მეშვეობით".

არასამთავრობო ორგანიზაცია საერთაშორისო გამჭვირვალობა - საქართველოს აღმასრულებელი დირექტორი კი მიიჩნევს, რომ როდესაც საზოგადოებაში არსებობს ინფორმაცია ყოფილი მთავარი პროკურორის, ოთარ ფარცხალაძის, არაფორმალური მმართველობის თაობაზე, მსგავსი გადაადგილებების მოტივი აუცილებლად უნდა იყოს ახსნილი.

„საზოგადოებამ ვერ გაიგო ამ პიროვნებების გადაადგილებებით რა ხდება, ამ ადამიანის გამაგრება თუ პირიქით, ჩვენ უნდა ვიცოდეთ ძალიან მკაფიოდ, რატომ ხდება ამ ადამიანის დანიშვნა კონკრეტულ თანამდებობაზე,“ - განაცხადა ეკა გიგაურმა.