ბუნებრივი აირის ახალი ტარიფები ივნისის ბოლომდე დადგინდება, ამის შესახებ კომენტარი საქართველოს ენერგეტიკისა და წყალმომარაგების მარეგულირებელი ეროვნული კომისიის წევრმა გოჩა შონიამ გააკეთა.

„ბუნებრივი გაზის კომპანიების მიერ წარმოდგენილი სატარიფო განაცხადების და თანდართული დოკუმეტაციის 95% უკვე შესწავლილია. ჩვენ ბოლო ვადა 20 ივლისამდე გვაქვს, თუმცა, შესაძლებელია ამ თვის ბოლომდე მოხდეს კომისიის მოწვევა და ამ საკითხების განხილვა.

კომისიაში სატარიფო განაცხადი შემოტანილი აქვს ოთხ კომპანიას: ერთია “გაზის ტრანსპორტირების კომპანია” , ასევე “სოკარ ჯორჯია გაზი“, “საქგორგაზი” და “ყაზტრანსგაზი”. მიზეზი რატომაც მოხდა მათი მხრიდან სატარიფო განაცხადების შემოტანა ისაა, რომ სემეკ-მა ბუნებრივი გაზის სექტორის ახალი მეთოდოლოგიით რეგულირება დაიწყო. მეთოდოლოგია ტარიფების ყოველწლიურ გაადაანგარიშებას ითვალისწინებს. ამ სექტორში ტაფირები უკვე 10 წელია რაც არ დათვლილა, შესაბამისად, ამ ახალი გარემოებებიდან გამომდინარე, რაც დღეს არის ბუნებრივი გაზის სექტორში, კომისია იწყებს ტარიფების გადაანგარიშებას”, - განაცხადა გოჩა შონიამ.