შიშველი მამაკაცები უცნაურ პოზაში - რუსეთში გამართულმა სპექტაკლმა დიდი ვნებათაღელვა გამოიწვია (ფოტო +18)

კულტურა - 15:19, 05 Jun, 2017

29112

სანკტ პეტერბურგში, ერმიტაჟის ახალგაზრდულ ცენტრში გამართულმა სპექტაკლმა რუსულ მედიაში დიდი ვნებათაღელვა გამოიწვია. კრიტიკის სამიზნე თანამედროვე ხელოვნების წარმომადგენლის იან ფაბრის სპექტაკლი „ოლიმპოს მთა“ გახდა. სპექტაკლის მოწინააღმდეგეები თვლიან, რომ მსგავსი წარმოდგენები რუსეთში არ უნდა იმართებოდეს, იმ ადამიანების აზრით კი, რომლებსაც მიაჩნიათ, რომ აღნიშნული სპექტაკლი თანამედროვე ხელოვნების ნიმუშია, ხელოვნებას აკრძალვები არ უნდა შეეხოს.

იან ფაბრის სპექტაკლი-პერფორმანსი „ოლიმპოს მთა“ 24 საათის განმავლობასი მიმდინარეობს, მასში მაყურებელი შეხვდება ბერძნულ ღვთაებას დიონისეს და მითოლოგიის სხვა გმირებს, მათ შორის ტროას მეფის ცოლს ჰეკუბას, ოიდიპოსის ვაჟს ეტეოკლეს და სხვებს.

სპექტაკლი შედგება ეგზალტირებული ცეკვებისგან, მითოლოგიური რიტუალებისგან, გოდებისგან და მკვეთრი მუსიკისგან.

რუსეთში განსაკუთრებული კრიტიკის საგანი სპექტაკლში შიშველი მამაკაცების გამოჩენა გახდა, ცოტა „უცნაურ“ ფორმაში.

იან ფაბრი ბელგიელი ხელოვანია, რომლის მოღვაწეობაც მრავალ სფეროს მოიცავს, მათ შორისა მხატვრობა, ქანდაკება და რეჟისურა.