სამოქალაქო სექტორი ჟურნალისტის გატაცების საქმის დეტალებს დღეს საქართველოში ევროკავშირის ელჩს გააცნობს

საზოგადოება - 10:19, 05 Jun, 2017

1454

დღეს, სამოქალაქო სექტორი აზერბაიჯანელი ჟურნალისტის გატაცების საქმის დეტალებს საქართველოში ევროკავშირის ელჩს გააცნობს.

საია-ის იურისტი ამბობს, რომ ოჯახს ეჭვი ქართველ სამართალდამცველთა ჩართულობაზე აქვთ, შესაბამისად მართებული იქნება, საქმის შს სამინისტროდან დისტანცირება მოხდეს.

„ჩვენ მოვუსმინეთ ჟურნალისტის მეუღლის განცხადება, რომელიც საუბრობს, რომ გამტაცებლებს ეცვათ კრიმინალური პოლიციის ფორმები. არ ვიცით ჩვენ, ეს ასე იყო თუ არა, მაგრამ თავისთავად ინტერესთა კონფლიქტის გამორციხვისთვის, გარდა ამისა სრულად რომ დისტანცირებული იყოს გამოძიება შს სამინისტროსგან, აუცილებელი და მნიშვნელოვანია, რომ გამოძიება წარმართოს მთავარმა პროკურატურამ და არა შს სამინისტრომ,“ - აცხადებს საია-ის იურისტი, სულხან სალაძე.

ჰერმანის შემდეგ, არასამთავრობოები საქართველოში შეერთებული შტატების ელჩთან გამართავენ შეხვედრას.

მათი შეფასებით, გამოძიებას პარლამენტმაც უნდა გაუწიოს ზედამხედველობა.

„ძალიან მნიშვნელოვანია, რომ ამ თემებზე იყოს საერთაშორისო ყურადღება მიპყრობილი და ამერიკის შეერთებული შტატების დეპარტამენტის ეს განცხადება მიუთითებს სწორედ იმაზე, რომ ამ საქმის მიმართ ყურადღება მაღალია იმიტომ, რომ ეს არის მნიშვნელოვანი რეგიონისთვის, თუ როგორ განვითარდება პროცესები,“ - განაცხადა საქართველოს ჟურნალისტური ეთიკის ქარტიის წარმომადგენელმა, მაია მეცხვარიაშვილმა.